我要投訴...我要投訴...我要投訴!!!!都話左同雞蛋公司無兩句架啦!
事源昨晚和一班同事去唱k，7點鐘開房，9點鐘要我地走，$180蚊唱得果2個鐘，才剛剛開始開聲，正正扮緊梅姐和哥哥唱歌，鬼咁開心的時候突然CUT歌，就咁壞女孩、淑女、浮誇、衝口而出、帝女花、明目張膽、三國志、七友都未唱呀!!佢就要人走，太過份，結果我在很激氣的情況下，懶死係房三個字，清唱還未唱的歌曲，唔係咩呀，你估有音樂先唱得架，哼!
不過經過今次YO仔怪叫個人音樂會後，證實在下係絕對唔可以唱小王子的歌曲，簡直有如殺你全家一樣，陰公。一開始在眾人反對的情況下，就點左韻律泳，情況係如下.......
韻律泳-----因未開聲的原因，結果高音唔高，低音唔低，拍字唔準的情況，就咁殺左首韻律泳。
緊接萬花筒-----無錯，第二首就係萬花筒，唱左三句，在大叫好難唱的情況下，我決定投降，仲比人三句就CUT歌。
之後係滿地河-----呵呵呵....終於有一首係完完整整唱到，而又係似番首歌情況下完成。YEAH!!!
化蝶-----開聲後已經上到音，可惜我以為會易唱D，卻發現原來化蝶好難唱，低音突然上到勁高，完全感覺自己唱到有點像在化蝶中。
(這幾首已經算易唱，奈何在下實在太五音不全，已不感點唱我是芭比、元神出霰、幽默感等等)
其後因有人投訴我唱得太多HOCC，歌又難唱，佢地就火起連唱幾首JOEY，係咁形勢下我只好決定開飯，之不過都唱左二首JOEY的歌，連續幾首K歌有JOEY、鄧小姐、鄭先生、泳兒、KAY、孫小姐、SAMMI幾首歌後，發現經HOCC幾首難唱到爆炸的歌考驗下，這些人的歌變得食菜咁菜，原來真係易唱好多，所以我唔服氣要HOCC再上場。
係一大量的k歌幫助下再來唱hocc，果然好好多。
木紋----哈哈哈哈....木紋係咁多首歌唱得最好，最易唱架!!!!yeah!!!下次可以再唱。
睡王子----開頭唱得ok，後半部份被又快又長的歌詞影響下，斷左氣。
韻律泳------無錯，又係韻律泳，我和同事合三人之力，最後終於唱到韻律泳，陰公。
勞斯萊斯----又一首成功完成的作品，可惜唱到後部份，有同事問MV劇情，令我要解釋故事，正在解釋的時候，有人偷偷地CUT左我首歌，搞到我和問劇情的同事大叫加呆左。
係我唱HOCC歌曲期間，因為真係唱得太難聽，連同事都忍唔住話我身為GOOTOE，無首歌唱到，應該要回家好好閉門思過，更加發現我和小公主最像的地方係，每首歌都唱錯晒歌詞，原因係我長期聽小公主演唱會版本的歌曲，但可惜點唱的係MTV版，而因阿GOO很多係演唱會的歌都有唱錯歌詞，結果我跟足晒阿GOO錯誤地方。哈哈哈.................
- 留言者: Lesliewinki
- Email: meiho330@yahoo.com.hk
- 網址:
- 日期: 2008-08-05 22:28:00
呵呵~多謝先...不過...我尋晚用盡不生能量已經COPY左啦...呵呵~突然覺得自己好叻啊~^^
尖咀CEO???傻瓜...CEO去一定要CWB去果個....價錢一樣..但...D音響比TST好一百倍...係TST CEO D工作人員講既...所以..次次TST唱K..都係係果度既..NEW WAY唱....上次一大班人...仲比在個獨立洗手間大房...D音效都好得...唔錯唔錯...D BUFFET....GOOD~所以..下次唔使再去TST CEO...嘥錢呀..知無???^^
[版主回覆08/07/2008 14:12:00]恭喜!!
尖咀放工去放便丫嘛!!去CWB回家很遠呀!
- 留言者: Lesliewinki
- Email: meiho330@yahoo.com.hk
- 網址:
- 日期: 2008-08-04 23:50:00
喂...有無攪錯呀...你頭頂隻GOO相令到咁.....好令人妒忌喎~ ~等我呢個電腦大白痴睇下COPY唔COPY到先....呵呵~
[版主回覆08/05/2008 14:48:00]有D咁事?哈哈....我POST左係新日誌，你去COPY啦!
- 留言者: Lesliewinki
- Email: meiho330@yahoo.com.hk
- 網址:
- 日期: 2008-08-04 23:48:00
咦~咦~小導遊....飲歌係''女人心''...呢首係我唱梅姐D歌..唯一至掂果隻喎~下次一齊去唱下囉~ ^^
喂..YO仔...投訴都無人理....講我聽係邊間...下次我地約埋一齊去....等我同你踩爆佢....我諗小導遊都會有興趣去湊呢個熱鬧呢...^^
[版主回覆08/05/2008 14:47:00]女人心，我都ok架!哈哈...
好，去踩佢場，衰人尖咀CEO~~~
- 留言者: Jacky
- Email: tan6499@yahoo.cn
- 網址:
- 日期: 2008-08-04 23:38:00
三國志?應該係三角誌,小王子係拉闊嘅時候翻唱過,個人認為比原唱者candy唱得仲要好,我好少去唱k,最多喺屋企唱,我聲底比較低沉,所以唱小王子d歌都ok得.
[版主回覆08/05/2008 14:46:00]me too，我都覺得小王子唱得比candy好，其實七友都係。
小王子的歌難係難在轉調快，而且一時高一時低。
- 留言者: Grace
- Email: mydogball@yahoo.com.hk
- 網址:
- 日期: 2008-08-04 09:45:00
^ O^ 唱sammi啦
[版主回覆08/04/2008 10:44:00]我有唱，不過比較小。
- 留言者: Lesliewinki
- Email: meiho330@yahoo.com.hk
- 網址:
- 日期: 2008-08-03 17:15:00
點會得兩個鐘咁少架??/你入房前無問清楚既咩???/K場一個人頭一個鐘...睇你寫...你地起碼有三個人以上...點會得兩個鐘???/你咁都唔投訴????
我就同你唔同啦...我1開始就黎....滿地可...再來萬花筒...跟住又滿地可..再來都係滿地可....之後比班同事勁投訴下...唱番...韻律泳....願我可以放低你....等等...全部都係GOO大人既歌...哈哈~D同事...話...依家玩野呀...何韻詩演唱會呀...全部隻GOO既....玩完未呀??/呵呵~未喎~鬼叫佢地只顧吹水...同吔野....咁..我咪...開何韻詩演唱會囉~
我就係咁啦...大家唔出手聲..咪等我開個唱囉~我又唔介意既....哈哈~
[版主回覆08/04/2008 00:43:00]沒有問呀!當時我無留意。有投訴，不過無人理。
其實我和你的情況差不多，都係hocc演唱會。
- 留言者: 小導遊
- Email: localguide@yahoo.com.hk
- 網址:
- 日期: 2008-08-02 17:06:00
我自知五音不全,所以好小去唱Ｋ.以前去唱只會唱梅姐嘅女人心,因為我把聲夠"牛", 都叫做冇乜難度完成到.
[版主回覆08/04/2008 00:44:00]我常常都唱梅姐的歌，但唔感唱阿詩的歌，因為太難唱，試唱幾次都超難聽。
- 留言者: Carina
- Email: carinapws@yahoo.com.hk
- 網址:
- 日期: 2008-08-02 12:33:00
我一早已過晒鍾意唱K嘅階段，呢幾年除左應酬同事之外絕少去K。以前唱K時，我都係最鍾意唱阿詩嘅歌，當然一去到高音就唱唔到啦，但點到係要唱佢D歌，哈。 次次都唱明目張膽，但次次唱到「我一向都慣自言自語沒別人愛」就出事，之後幾句就繼續走晒樣。 第二鍾意唱 Sammi，大部分都易唱過你 goo 嗰 d 囉，雖然都係一去到高音就......
[版主回覆08/02/2008 16:54:00]我都N年無唱K了，人大了越少這類活動，我以前唱K係唔感唱阿GOO的歌，因每次唱都出事。
阿GOO的歌越來越難唱，她的歌咪就係要我地唱唔到，佢自己一個人唱晒咋嘛，問你地死未!哈哈....
....(講笑)
..)
!!
.......
