SPEED終於返黎喇!!

今日要轉台去日本，SPEED呀!!!!!SPEED呀!!!!!SPEED呀!!!!!

痴左....................感動....................哈哈哈~~~~

做咩我咁興奮，因高中時代最LIKE的組合之一，解散N年的SPEED終於都復合，她們年齡比GOO輕，卻比GOO更早出道，當他們紅片亞洲，GOO才是新秀參加者，她們解時GOO才準備出專輯，時間剛剛好。

當年佢地解散，我仲飛左去日本睇SHOW，現在見到佢地復合，只能用興奮來形容，都係四個人企係一齊最順眼。

佢地亦係計BSB和梅姐外，我擁有最多專輯的歌星(當然HOCC已經超越左佢地。)，之不過以價錢計算SPEED就貴很多，其實我都唔明點解日本CD可以咁貴，日本版最少要二、三百蚊隻CD，這亦是我覺得日本和香港最不同的地方，或者因日本版不論包裝及質數(非音樂質數)都好很多，搞得同樣是SPEED既CD香港卻只賣九十幾，日本版卻差不多要三百蚊一隻CD(非BOXSET)，最慘在下年青時係麻煩人又貪靚，喜歡就會買，所以當時是買日本版，現在想起都有點肉痛，不過亦因此習慣了買第一版的CD，及覺得GOO的CD係平到不可再平。

SPEED係真正超級天團，更可以話係亞洲所有女子組合表表姐，無SPEED就唔會有女子組合，亦因她們的出現及成功，引至日後亞洲等地越來越多什麼SHE、Twins、九餅、4inLOVE的女子跳舞組合，她們大都是以SPEED的極速紅爆方程式作藍本，什麼方程式，就係以年輕女孩作為基礎，配以快歌、勁舞吸引觀眾，當年SPEED最年輕個位得12歲，但就成年全日本最紅的歌星。

之不過，唔好誤會佢地得個外表，她們之所以成為眾人參考對象，自然有其理由，他們全都係安室既師妹，出身於沖繩演藝學校，由4-5歲時已開始受各種音樂及表演訓練，所以一出個個都歌舞技精，可惜抄佢地的人卻...唉........。

BTW.現在對她們已經淡左好多，不過我手上的專輯現在就好值錢了!!除此之外有一點好重要，就係佢地現在復出賣碟的錢都會用來幫殘障人仕，所以我都會支持架。

 

講時講，佢地D歌又真係幾好聽，現在聽番都仲好回味，有興趣可以聽下。

 

勁歌熱舞又超高音都無走音，所以我最喜歡係HIRO~~(超高音個位!)

 

hiro..你係唔係太耐無唱歌，搞得我有點擔心妳D LIVE呀?!

31/12/08 紅白歌唱大賽

 

あしたの空

 

成員包括：

今井繪理子 Eriko
Date of Birth:1983.9.22


新垣仁繪 Hitoe
Date of Birth:1981.4.7


島袋寬子 Hiroko
Date of Birth:1984.4.7


上原多香子 Takako
Date of Birth:1983.1.14

 

(細細聲講，我成日覺得Eriko係某D角度和HOCC好似!!)

---

• 留言者: Joyce
• Email: joyce_egan1983@yahoo.ie
• 網址:
• 日期: 2009-01-12 19:20:00

我冇YAHOO BLOG 嫁, 不過有YAHOO EMAIL 所以可以留到言囉
你成個BLOG絕大份都係關於HOCC
突然見到篇SPEED既, 哈哈..所以入黎留下言
SPEED裡面我諗氣最低既都係HITOE
你個BLOG 整得好靚喎, 個BACKGROUND 你自己整的?
[版主回覆01/13/2009 10:48:00]ICIC.....
估唔到係SPEED吸引到你，這叫萬菇從中一點紅，哈哈~~~
無法啦，佢樣又無個三位咁靚，唱歌佢又唔係主音，係得跳舞勁，比較下佢係會差D，不過佢卻係隊長，隊中話晒事既大姐姐。講時講，Takako最近和王力宏拍MTV，見到佢同以前一樣咁又斯文又可愛又靚女，反而變得最大係ERIKO，HIRO就成熟左好多。
YES...謝謝....全部係自己整架，黛瑪囡係唔係好可愛呢。

---

• 留言者: Joyce
• Email: joyce_egan1983@yahoo.ie
• 網址:
• 日期: 2009-01-11 01:50:00

嘩~~~原來你都鍾意SPEED GA
你都真係幾鍾意佢哋喎, 仲特登飛去日本睇SHOW
我比較鍾意ERIKO多D, 佢係紅日個打扮..似乎真係好似師奶 -.-
(雖然佢已經係一名師奶~~~)
[版主回覆01/11/2009 15:01:00]嘩.....你終於都開yahoo blog喇!!
係..當年都真係幾鍾意佢地，個時心想唔飛去睇，以後都無得睇架嘛，加上d日本朋友仔又可以幫手買飛，當然要去睇啦。
ERIKO都幾好，除左HIRO，我最鍾意佢，但Takako都唔錯，好可愛又靚女。
哈哈...咁人地真係師奶丫嘛，不過佢好慘，個仔天生失聰。

---

• 留言者: 小導遊
• Email: localguide@yahoo.com.hk
• 網址:
• 日期: 2009-01-10 01:34:00

yo仔 .....叫大嫂講個年齡嚟聽吓咪知佢係咪大你好多囉!
我都唔識佢哋喎 ! 因為我讀書嗰陣好專一剩係鍾意 Alan, 當然依家就係亞 Goo 喇 ! 同埋我鍾意聽 D 英文舊歌, 但又唔知係邊個唱至攪嘢 !
[版主回覆01/10/2009 23:40:00]叫得大嫂，點都一定大過我啦!!哈哈~~ 唔留意，唔知，一點也不出奇。

---

• 留言者: Gwen
• Email: tbk613@yahoo.com.hk
• 網址:
• 日期: 2009-01-08 22:08:00

你讲边过三心两意啊？
[版主回覆01/09/2009 10:17:00]佢講我掛。

---

• 留言者: Lesliewinki
• Email: meiho330@yahoo.com.hk
• 網址:
• 日期: 2009-01-08 21:56:00

咩呀???而家我大你好多咩???同你同年紀呀~好呀...聽日我就返去公司..問下同你同年紀既人先.... ....
不過..你講左句好啱既...就係...果時哥哥退出左...我跟本一D都無留意過娛樂版....直情無睇過CI版呀~所以...真係好大機會唔知既...^^...好啦..你話紅就紅啦....不過...而家出返來..我都一樣唔會留意佢地架...而家我只會留意隻GOO仔...其他??SORRY囉....無晒位啦... ..我就唔似某D~ ~D~ ~人啦....三心兩意.. ..
[版主回覆01/09/2009 10:19:00]坦白講，我現在都小留意左佢地，十年前就真係好like，現在就.......淡左好多。
有佢地，都未有goo wor，點三心兩意?雖則當其時除左佢地，仲有BSB和梅姐，但梅姐係小學時期已經係最愛架嘛，BSB就初中至高中，佢地就高中至大專，GOO就緊接SPEED，哈...D時間無重複過架，當中只得梅姐由細細個陪我長大。
PS.都仲未計城城。

---

• 留言者: Yo仔
• Email: yo_jackie29@yahoo.com.hk
• 網址:
• 日期: 2009-01-08 21:26:00

總之佢地當年真係好紅，係亞洲市場係最紅的日本歌星，解散時係上娛記C1頭條，仲要報左足足一個星期有多，連TVB都特別播出左佢地解散最後演出的紅白表演，所以佢地真係唔小野架，或許你太專心哥哥，BTW，唔記得、唔知道都唔出奇。
不過佢地的成功做就左日後很多同類出現，好似SHE、Twins、九餅、4inLOVE，LI個係事實。

---

• 留言者: Lesliewinki
• Email: meiho330@yahoo.com.hk
• 網址:
• 日期: 2009-01-08 20:15:00

紅遍亞洲..有咩????我就一D都唔知佢地係邊位啦..??!!!我唔係寸你呀~我講真架....紅遍亞洲既人係無幾多咋....好似梅姐同哥哥同ALAN(雖然我唔係佢歌迷)就可以話紅遍亞洲...因為...連我屋企唔識聽流行曲既老爸老媽都識佢地..果D先叫紅嘛...呢D..?????SORRY啦...起碼...紅唔到我囉...
...~以上純粹個人觀點...睇完唔好嬲呀~....
[版主回覆01/08/2009 21:10:00]紅遍亞洲求學時期，我同年齡的人既市場。

---

• 留言者: Gwen
• Email: tbk613@yahoo.com.hk
• 網址:
• 日期: 2009-01-07 23:15:00

哦....ICIC.....学到你地....日日都话“ICIC”...哈哈～
[版主回覆01/08/2009 13:30:00]係唔係幾好用呢，哈哈~~

---

• 留言者: Gwen
• Email: tbk613@yahoo.com.hk
• 網址:
• 日期: 2009-01-07 19:15:00

咦 ！真系好似架bor！不过可惜既系....我唔识日文～哈哈～
[版主回覆01/07/2009 23:13:00]某些角度。 我都不懂日文，不過港版是有中文歌詞，純粹是聽，都還可以。